Þann 7. maí 2025 var málstofa á vegum Rannsóknarstofnunar lífeyrismála þar sem Celso Brunetti, hagfræðingur við Seðlabanka Bandaríkjanna, hélt fyrirlestur um áhrif tengslaneta á fyrirtækjaskuldabréf. Í stað þess að feta í fótspor fyrri rannsókna og skoða hvernig fjárfestar eru tengdir, beinir Brunetti sjónum að því hvernig skuldabréf eru tengd. Þau teljast tengd ef þau eru í sama eignasafninu og þannig getur hvert skuldabréf verið tengt mörgum öðrum bréfum og að mismiklu leyti.
Rannsóknin byggir á stóru gagnasafni sem nær utan um alla skuldabréfaeign bandarískra fagfjárfesta frá 1998 til 2021, brotið niður á einstaka bréf. Helstu niðurstöður eru:
- Því sterkari sem tenging bréfs er við önnur bréf á markaðnum því minna álag (e. spread) fylgir bréfinu og því minna flökt (e. volatility) er á verði þess.
- Tengdari bréf fyrirtækja í viðkvæmum geirum urðu fyrir minni áhrifum af COVID skellinum í samanburði við minna tengd bréf.
- Fyrir markaðinn í heild auka tengslin stöðugleika, áhætta dreifist og áhrif áfalla verða minni.
Niðurstöðurnar eru áhugaverðar í íslensku samhengi þar sem lífeyrissjóðir eru fyrirferðamiklir á markaðinum og fjöldi bréfa takmarkaður og því sennilegt að eignasafn þeirra innihaldi sömu bréfin.
Eftir fyrirlesturinn spunnust umræður í sal um áhrif vísitalna og sjóða (og sjóðasjóða) á niðurstöðurnar, en bréf sem eru í einum sjóði, sem t.d. fjárfestir í bréfum fyrirtækja í S&P500 vísitölunni, er líklegra til að vera einnig í öðrum sjóðum. Þetta gæti svo haft áhrif á áhættuálag og flökt bréfsins. Celso og meðhöfundar eru meðvitaður um þetta og eru að vinna í umbótum.
útdráttur:
Does interconnectedness improve market quality? Yes.
We develop an alternative network structure, the assets network: assets are connected
if they are held by the same investors. We use several large datasets to build the assets
network for the corporate bond market. Through careful identification strategies based
on the COVID-19 shock and “fallen angels,” we find that interconnectedness improves
market quality especially during stress periods. Our findings contribute to the debate
on the role of interconnectedness in financial markets and show that highly interconnected
corporate bonds allow for risk sharing and require a lower compensation for risk.
Celso Brunetti er hagfræðingur við Seðlabanka Bandaríkjanna (Board of Governors of the Federal Board System)
Glærur er að finna hér: Interconnectedness_in_the_Corporate_Bond_Market_slides
